Tulsi vivaah

                   "तुलसी बिहाव"
~~~~~~~~~~~~~~~~~~~~~~~~
तुलसी रानी बिन्दा के,बिहाव करबो ओ।
एकादशी मा दाई के,हियाव करबो ओ।।

दुल्हा सालिक राम ला,देबो चलो नेवता।
संग मा जम्मो देबी,आही जम्मो देवता।।
अँगना मा खुशियार के,छाँव करबो ओ।
तुलसी रानी बिन्दा के...................

सुघ्घर ले मड़वा ,तोरन चउँक  बनाबो।
तुलसी चौरा दीया बाती ,सेज लगाबो।।
तेल हरदी चुनरी के ,ओढ़ाव करबो ओ।
तुलसी रानी बिन्दा के...................

सुपा सुपा फलाहारी,चना भाजी,बिही।
माई पिला जुरे सबो,दाई अशीष दिही।।
चिनहा  सुहागिन के,चढ़ाव करबो ओ।
तुलसी रानी बिन्दा के....................